SOMA HABARI KWA UFUPI

Kuna kila dalili kwamba homa ya makadirio ya matumizi ya Wizara ya Maji na ile ya Nishati na Madini inazidi kupanda na jana wabunge wa CCM walikutana kwa dharura ili kunusuru bajeti hizo.Habari kutoka ndani ya kikao hicho zinasema, Waziri Mkuu Mizengo Pinda aliwatangazia wabunge hao kuwa Serikali imekubali kuiongezea Wizara ya Maji Sh100 bilioni kufidia pengo la Mwaka wa Fedha 2013/2014.

Waziri wa Mambo ya Nje na Ushirikiano wa Kimataifa, Bernard Membe amesema ataipa Taasisi ya Kuzuia na Kupambana na Rushwa (Takukuru) jukumu la kuchunguza ufisadi wa mamilioni ya fedha katika ununuzi wa tiketi za safari za nje za wizara yake.

Hatimaye tume ya uchaguzi nchini Malawi imesema itatangaza matokeo ya uchaguzi mkuu wa nchi hiyo kesho ijumaa.Uamuzi huo unakuja baada ya mivutano na mapingamizi kadhaa kwenye mahakama kuu nchini humo.

Kamishna wa Umoja wa Mataifa anayesimamia Haki za Kibinadamu, Navi Pillay, amejiunga na maelfu ya watu duniani wanaoshutumu vikali mauaji ya mwanamke Mpakistani aliyepigwa mawe hadi kufa nje ya mahakama na wanachama wa familia yake kwa madai ya kuolewa na mwanamume aliyempenda.

Shirika la fedha duniani IMF leo linazindua kongamano la ngazi ya juu kuzungumzia maswala ya ukuaji wa Uchumi barani Afrika.Kikao hicho kwa jina "Africa is rising" kitafanyika katika mji mkuu wa Msumbiji, Maputo.