LINA:NATAKA KUIMBA NYIMBO ZA INJILI NIWAFURAHISHE WAZAZI WANGU

Msanii wa kike anaetamba mwaka huu na wimbo wa “Hellow Hellow  Tanzania” Linah Sanga amesema kazi anayoifanya haijawahi kufurahiwa na wazazi wake.

Linah aliyeibuka katika chuo cha Muziki Tanzania House of Talent (THT),alisema kwa zaidi ya miaka sita sasa anafanya kazi ambayo anaamini ipo siku atageuka kutokana na dhamira yake ya kutaka kuwaridhisha wazazi wake.

“Ninachokiona ni kama nimeasi,kutokana na kutosikiliza ushauri wa wazazi wangu walionileta Duniani.Mashabiki wao wananihitaji na mimi pia ninatengeneza maisha.Naamini ipo siku nitarudi kundini kwani wazazi hawafurahii muziki wa kidunia”alisema Linah ambaye alikuwa akiimba nyimbo za Injili .