SOMA HABARI KWA UFUPI

Vijana wenye umri wa kuanzia miaka 35 na kuendelea wapo kwenye hatari kubwa ya kupata magonjwa yasiyoambukizwa.Akizungumza na jijini Dar es Salaam jana, mfamasia kutoka Mfuko wa Taifa wa Bima ya Afya (NHIF), Goodluck Madehu, alisema vijana wa umri huo hawana utaratibu mzuri wa kula na kufanya mazoezi.

Waziri wa Mashauri ya Kigeni wa Marekani amelaumu Urusi kwa kuchochea mapigano Mashariki mwa Ukraine. John Kerry alisema ujasusi wa Marekani una hakika kuwa Urusi imetoa silaha na wapiganaji na pia inaendelea kugharamia na kusimamia wapiganaji wa nchini Ukraine kushiriki ghasia hizo.

Rais Obama amewasili Korea Kusini huku hofu ikizagaa kwamba Korea Kaskazini huenda inajiandaa kufanya jaribio la nne ya zana zake za nukyla. Inatarajiwa kwamba shughuli mpya katika kinu cha nuklya mjini Pyongyang zitatawala mazungumzo kati ya bwana Obama na rais wa Korea Kusini Park Geun-hye.

Rais wa Sudan Kusini Salva Kiir amemfuta kazi mkuu wa majeshi yake. Amri iliyotolewa na Rais kupitia kwa televisheni, ilisema kuwa Generali James Hoth Mai ataondolewa katika wadhifa wake mara moja.Hata hivyo Rais Kirr hakutoa sababu ya kumfuta kazi generali huyo. Nchi hiyo imekuwa ikikumbwa na vurugu tangu mwezi Disemba. Wiki jana waasi waliuteka mji ulio na utajiri mkubwa wa mafuta Bentiu.