HABARI KWA UFUPI

Rais Jakaya Kikwete anatarajiwa kufungua maonyesho ya kimataifa ya utalii ya Swahili Tourism  Expo yatakayofanyika jijini Dar es Salaam kuanzia Oktoba Mosi hadi 4 mwaka huu.

Bodi ya Mikopo ya Serikali za Mitaa nchini inatarajia kuanzisha Benki ya Maendeleo, ili kuweza kukopesha halmashauri mbalimbali nchini kwa ajili ya utekelezaji wa miradi inayolenga kuchochea shughuli za maendeleo.

Ofisi ya Msajili wa Vyama vya Siasa imesema  Mwenyekiti wa Chadema, Freeman Mbowe na Katibu Mkuu, Dk Willibrod Slaa hawana sifa za kugombea tena uongozi wa chama hicho kwa kuwa wanabanwa na katiba yao.

Makamu wa Kwanza wa Rais wa Zanzibar, Maalim Seif Sharif Hamad amesema jiografia ya visiwa hivyo ni changamoto kubwa katika kudhibiti uingizaji na matumizi ya dawa za kulevya.

Jeshi la Nigeria limesema kuwa limekishambulia kituo cha ujasusi cha wapiganaji wa Boko Haram kinachodaiwa kuhusika na utekaji wa wasichana zaidi ya 200 nchini humo.