WEUSI WAFURAHIA USHINDI WA FID Q

Msemaji wa kundi la weusi Nikki wa pili amesema wamefurahia ushindi wa Fid Q kwa sababu wanamkubali kuwa ni mwanamuziki makini anayejitahidi katika utunzi wa rap.

Alisema tuzo za Kilimanjaro Music Awards(KTMA)kwa mwaka huu,zimeamsha ari mpya kwa wasanii kutokana na haki iliyotendeka kwa kuuchagua muziki mzuri kutwaa tuzo.

“Weusi tumeufurahiwa ushindi wa Fid Q tunaamini ataendelea kufanya vizuri ili kuendesha gurudumu la muziki wa hiphop mbele huku akitoa msaada kwa chipukizi wa muziki huu.”alisema Nikki wa pili

Akizungumzia tuzo za Weusi, rapa huyo alisema wamefurahi kupata tuzo mbili,ikiwemo kikundi bora cha muziki wa kizazi kipya na wimbo bora wa Hiphop kutokana na wimbo wao wa “Nje ya Box” .