SOMA HABARI KWA UFUPI

Kashfa ya ufisadi wa dola za Marekani milioni 122 (sawa na sh. bilioni 200) katika akaunti ya Escrow ya Benki Kuu ya Tanzania (BoT), imewaweka njia panda vigogo wa Serikali wanaotuhumiwa kuhusika kufuja fedha hizo, na sasa baadhi yao wamefikia hatua ya kutajana kama njia ya kukwepa mkono wa sheria.

Mkazi wa Kigamboni, Baraka Mashauri (27) amedai kupigwa risasi katika mguu wake kulia na askari polisi wa kituo kidogo cha Gymkhana, jijini Dar es Salaam.Akizungumza na Tanzania Daima kuhusu tukio hilo, Mashauri alisema lilitokea Mei 17 mwaka huu, saa saba mchana akiwa katika mtaa wa Shaban Robert akipata chakula karibu na Mgahawa wa Holiday White akiwa na mwenzake aliyemtaja kwa jina la Musa Mohamed.

Watafiti wa Marekani wamebaini miili ya watoto hao hutoa viini vya kinga ambavyo hushambulia wadudu wanaosababisha Malaria.Kwa kumdunga mtu sindano yenye viini hivyo vyo mtu anaweza kukingwa na ugonjwa huo.Watafiti hao ambao walichapisha matokeo yao kwenye jarida la kisayansi , wanasema majaribio ya utafiti huo katika binadamu na katika sokwe sasa yanahitaji kutathminiwa kikamilifu ili kupata matumaini halisi ya chanjo ya malaria.

Baraza la usalama la umoja wa mataifa hatimaye limeidhinisha kuwekewa vikwazo kundi la Boko Haram baada ya utekaji nyara wa takriban wasichana 300 wa shule katika eneo la Chibok Nigeria.Kundi hilo limeshutumiwa kuwaua maelfu ya watu nchini Nigeria katika miaka michache iliyopita.