SOMA HABARI KWA UFUPI

Serikali imesisitiza uamuzi wake wa kupiga marufuku uingizwaji nchini wa kuku, nyama ya kuku na vifaranga ili kudhibiti ugonjwa ya mafua ya ndege na kulinda wawekezaji wa ndani.Waziri wa Mifugo na Maendeleo ya Uvuvi, Dk. Titus Kamani alitoa agizo hilo baada ya kutembelea kampuni ya Tanzania Poulty Farms Limited, inayomiliki shamba la kuku wa nyama na vifaranga lililopo kijiji cha Ngogongare na kiwanda cha uchinjaji kuku kilichopo Mbuguni wilayani Arumeru.

Mamia ya watalii kutoka Uingereza waliokuwa kisiwani Mombasa Kenya wamelazimishwa kurejea makwao baada ya serikali ya nchi hiyo kutoa tahadhari ya tishio la mashambulizi ya kigaidi nchini Kenya.Kampuni zinazopanga safari za watalii kutoka Uingereza Thomson na First Choice zilifutilia mbali safari zote zilizokuwa zimepangwa kuwaleta watalii Mjini Mombasa hadi mwezi Oktoba zikihofia usalama wao.

Shughuli ya kuhesabu kura imeanza rasmi nchini India baada ya uchaguzi uliodumu kwa kipindi cha wiki tano.Matokeo ya awali yanaashiria ushindi kwa muungano unaoongozwa na mgombea wa upinzani Narendra Modi aliayeahidi nafasi za ajira na maendeelo ya kiuchumi.Kuna hali ya shangwe kwenye makao makuu ya chake cha BJP mjini Delhi kulikowekwa televisheni kubwa zinazoonyesha matokeo huku pia nyimbo zikiimbwa.

Kocha wa timu ya taifa ya Brazil Luiz Felipe Scolari,anatarajiwa kuchunguzwa na polisi kulingana na taarifa kutoka ncini Portugal licha ya kocha huyo kukanusha madai kuwa alikwepa kulipa kodi.Bwana Scolari alikuwa kocha wa timu ya taifa ya Portugal kuanzia mwaka 2003 hadi mwaka 2008. Madai hayo yanaonekana kuhusishwa na wakati wake alipokuwa nchini humo.

Polisi wa kupambana na ghasia wamefyatua mabomu ya kutoa machozi kuwatawanya maelfu ya waandamanaji katika barabara za miji ya Sao Paolo na Rio de Janeiro walipinga mfumuko wa gharama ya uenyeji wa kombe la dunia litakaloanza mwezi ujao nchini Brazil.Baadhi ya waandamanji walipura mawe na kuchoma magurudumu ya magari na kufunga mabarabara ya miji wakidai serikali haikuzingatia matakwa ya wananchi kama vile elimu sekta ya afya na muundo msingi .