WALIAJI,WAOMBOLEZAJI WA KUKODI WANAVYOPAMBA MISIBA CHINA

Pilika za maisha zimewafanya wachina wafikirie namna wanavyoweza kuziba mapendo ya kushiriki katika shuguli za kijamii,ikiwemo kuomboleza.

Miaka ya nyuma kiliwahi kutokea kikundi kama cha uombolezaji nchini kilichokuwa na maskani yake maeneo ya mburahati ,Dar es salaam.Pengine mahitaji ya soko wakati huo hayakukidhi gharama na utashi wao na hivyo kusababisha kife.

Kwa kawaida maombolezo kwa mila na desturi za wachina hudumu kwa siku 49 mpaka 100.kutokana na ongezeko la majukumu ,jamii hiyo imegundua mtindo mpya ambao ni kukodisha watu wa kushiriki maombolezo .kwa pauni 300 za kingereza (ambazo ni wastani wa sh 700,000),mtu anaweza kutumia kumlipa mwombolezaji wa kukodi ili akachukue nafasi yake katika msiba.

Chen Shuqiang (35),kiongozi wa kikundi cha waombolezaji wa kukodi katika mji wa Feishian ulikopo kusini Mashariki mwa China,anasema kwa kiasi hicho cha pesa ambaco hulipwa kila mmoja,huufanya misiba ionekane kuwa sehemu ya majonzi kwa kuwa huifanya kazi hiyo kwa uadilifu.

“kwa mila na desturi  za kichini mtu anapokufa hupata heshima zaidi iwapo watu watamlilia sana,lakini ongezeko la majukumu limewafanya watu wengi washindwe kulitekeleza hilo,hivyo sisi tukaona ni nafasi ya kujiajiri kusaidia hili “Shuqiang aliuambia mtandao wa Daily mail.com.

Anaongeza kwa kusema kuwa siyo wafiwa tu ambao hawakukodisha ,kwani hata majirani ambao wanapaswa kushiriki misiba ,huwakodisha wakawawakilishe.

“Mahitaji  ya soko ni makubwa kwani wanaohitaji huduma yetu siyo ndugu tu ,kwani hata majirani wanaoalikwa huwalipa na kuwapa kadi zao za mialiko wakawawakilishe katika msiba “anafafanua Shuqiang akikaririwa na dailymail.com

Anasema kazi yao kubwa huwa ni kulia na kujitupa huku na kule karibu na jeneza.Huifanya kazi hiyo mpaka maiti itakapozikwa.

                              Chen Shuqiang akijitupa karibu na jeneza,pembeni waombolezaje wenzie

Mwanamke huyo anasema kabla ya kujiajiri kuwa mwombolezaji ,alikuwa akiimba katikakumbi mbalimbali lakini kazi hiyo haikuwa ikimlipa vizuri.

“Tangu nimebadilisha ajira sijakutana na ugumu wa kipato,hapa ninatafuta vijana wengine wa kuwaajiri kundini kwa kuwa soko limekuwa kubwa na wanakikundi ni wachache “anasema shuqiang.

Desturi ya maombolezo

Mtu anapofariki,ndugu jamaa na majirani hutumiwa kadi za mwaliko wa msiba.Kwa kawaida kadi hizi huwa nyeupe isipokuwa kama aliyekufa alikuwa na umri wa miaka 80 au zaidi kadi huwa za rangi ya waridi.

Kwa umri wa miaka 80 kushuka chini,tukio hilo huwa msiba na kama ni zaidi ya hapo.Huchukuliwa kuwa ni sherehe kwa kuwa mtu huyo ameishi miaka mingi.

Dailmail.cominaeleza kuwa kadi hizo huandikwa wasifu wa marehemu ,familia yake,tarehe ya kuzaliwa na kuzikwa .mazishi hufanyikakati ya siku 49 lakini maombolezo huoendelea kwa siku 100 na zaidi.

Kama mwalikwa hatahudhuria mazishi,hukodisha watu lakini hutakiwa kupeleka maua,shada na bahasha nyeupe yenye pesa ndani.

Waombolezaji huvaa nguo za rangi nyeupe.Wakati mwingine wanaweza kuvaa nguo za rangi za rangi nyeusi na pinki iwapo aliyefariki ni mzee wa miaka 80 au zaidi.MWANANCHI