SOMA HABARI KWA UFUPI

Mkurugenzi wa uendeshaji wa shirika la world Vision Tanzania.Dk Yoshi Kasilima ameshauri  wafanyakazi  wa afya wa Afrika mashariki na kati kujengewa uwezo na utangamano zaidi katika ngazi ya jamii.Aliyasema hayo katika mkutano wa wadau wa afya kutoka kanda ya maziwa  makuu.Dr Kasilima alisema Tanzania ,Kenya,Uganda na Rwanda zinatakiwa kuwajengea uwezo wafanyakazi wa afya katikangazi ya jamii.

Wazazi katika kaunti ya Kirinyaga mkoa wa Kati nchini Kenya wameandamana kwa hasira baada ya mwalimu kumchapa mtoto mmoja wa shule ya msingi hadi akafariki.Mtoto huyo inaarifiwa alichapwa kichwani na mwalimu na kuzirai. Alifariki alipokuwa anapelekwa hospitalini.

Idhaa ya BBCkitengo cha Afrika kimebaini ushahidi wa watu wanaonunua matokeo bandia ya vipimo vya virusi vya HIV yakionyesha hawana virusi hivyo nchini Uganda.Picha za filamu zilizochukuliwa kisiri zinaonyesha namna ilivyorahisi kutoa hongo kwa wahudumu wa afya ili kupata vyeti hivyo bandia.

Waziri mkuu wa Malysia Najib Razak amewasili jijini Perth,magharibi mwa Australia ambako shuguli za kutafuta ndege ya MH370 inaendelea ili kuwashukuru wale wote wanaohusika na shuguli za kusaka ndege ya malysia iliyotoweka majuma matatu yaliyopita.