SOMA HABARI KWA UFUPI

Waziri wa Nishati na Madini, Profesa Sospeter Muhongo, ametangaza kiama kwa watumishi wazee na kukaribisha vijana wenye elimu kushika nyadhifa za juu katika wizara hiyo.Waziri huyo alisema elimu ya chini kwa mtumishi wa wizara yake kuanzia mhudumu itakuwa shahada ya pili ili kwenda na kasi ya ukuaji wa sayansi na teknolojia duniani.

Aliyekuwa Mwenyekiti wa Tume ya Mabadiliko ya Katiba, Jaji Joseph Warioba, ametoa siri ya msimamo wa majeshi ya Tanzania kuhusu muundo wa Muungano wa sasa.Jaji Warioba ametoa siri hiyo huku kukiwa na vitisho kutoka kwa baadhi ya wajumbe wa Bunge Maalumu la Katiba wanaotokana na Chama Cha Mapinduzi (CCM) pamoja na viongozi waandamizi wa serikali kwamba muundo wa Muungano wa serikali tatu ukipitishwa jeshi litachukua nchi.

Makada wa Chama Cha Mapinduzi (CCM) jana waliendelea na mashambulizi yao dhidi ya Mwenyekiti wa Tume ya Mabadiliko ya Katiba, Jaji Joseph Warioba, ambaye tume yake imependekeza muundo wa serikali tatu katika rasimu ya Katiba mpya.

Watu wanne, wakiwemo maafisa wawili wa polisi, wameuawa jana usiku mjini Nairobi baada ya gari walilolizuia kulipuka, lilipokuwa likielekea katika kituo cha polisi katika eneo la Pangani, jijini Nairobi. Kulipatikana bomu la pili katika gari hilo baada ya mlipuko huo na wataalamu wa mabomu waliliharibu.Maafisa wa polisi wanasema wanajaribu kuitambua miili ya washukiwa hao.

Takriban watu 63 wamefariki baada ya treni iliyokuwa imebeba abiria kupoteza mwelekeo Kusini Mashariki mwa Jamhuri ya Kidemokrasi ya Congo.Msemaji wa serikali Lambert Mende alisema kuwa polisi wanahofia kuwa idadi ya watu waliofariki huenda ikaongezeka. Pia alisema kuwa polisi watafanya uchunguzi kubaini chanzo cha ajali.