MAFIKIZOLO KESHO KUTUA DAR

Kundi maarufu la muziki wa kwaito la nchini Afrika Kusini,Mafikizolo  linatarajia kutua kesho jijini Dar es salaam kwa ajili ya onyesho litakalofanyika katika ukumbi wa mlimani City April 5.Kundi hilo linaundwa na wasanii wawili Theo Kgosinkwe na Nnlanla Nciza,litawasili nchini kesho mchana kwa ajili ya onyesho hilo.

Akizungumza na gazeti la mwananchi mratibu wa onyesho hilo Vinny Magere kutoka kampuni ya Juegacassa,amesema mafikizolo wanatarajia kufanya onesho moja tu maalumu litakalodumu kwa muda wa saa  nne.

“Hii itakuwa ni mara ya kwanza kwa kundi hili kufika nchini,tangu kuachia wimbo wao “Khona “ Mashabiki wa burudani wanaujua wimbo sana,ninaamini wana hamu ya kuwaona wenyewe wakiuimba moja kwa moja kutoka jukwaani” alisema Vinny.

Mafikizolo kwa sasa wanashikilia taji la kundi bora la mwaka,kwa mujibu wa  Tuzo za muziki za South Afican Music Awards (Sama)Katika kinyang’anyiro cha mwaka huu kwenye tuzo hizo zenye vipengele 28,kundi hilo linawania katika vipengele vine tofauti ambavyo ni :Kolabo bora ya mwaka ,Albamu bora ya mwaka na kundi bora la mwaka.kundi hilo maarufu limewahi kutamba miaka ya nyuma na nyimbo kama “Ndihamba Nawe,””Ndixolele”,”Sebeneza”,”Ndashata” na “Ndizolila”.

Kundi hili lilianza shuguli za muziki mwaka 1996 na kufanikiwa kutoa albamu sita mpaka sasa.Miaka mitano nyuma kundi lilianza kuteremka baada ya kila mmoja kutoa albamu yake binafsi.Mwaka jana waliungana tena na kutoa albamu ya sita iliyoitwa “Reunited” na kutoa wimbo wao wa kwanza “Khona“ ambao umewatambuisha upya na kuwarudisha kwenye chati.