POLISI WALIWAUA WAANDAMANAJI UKRAINE

                                  Wanaharakati wakiwa wamebeba maiti ya mmoja                                                           wa waandamanaji

Tume ya Uchunguzi ya serikali ya Ukraine imebaini kuwa polisi wa kikosi maalum cha Ukraine wamedaiwa kuwaua watu kadhaa walioipinga serikali ya nchi hiyo mjini Kiev mwezi Februari mwaka huu.

Waziri wa mambo ya nje wa Ukraine Arsen Avakov amewaambia waandishi wa habari kuwa polisi 12 wa kikosi hicho cha Berkut wametambuliwa na watu kati yao tayari wamekamatwa.

Tume hiyo inahusisha maqshambulio hayo katika mtaa wa Instytutska mjini Kiev, ambako watu 76 waliuawa kati ya tarehe 18-20 Februari.

Miezi kadhaa ya maandamano makubwa yalisababisha kuondolewa madarakani kwa Rais Viktor Yanukovych.

Katika mkutano wa waandishi wa habari, Bwana Avakov aliwasilisha matokeo ya uchunguzi wa awali wa mauaji ya watu wengi waliopigwa risasi hali iliyoishtua Ukraine na dunia.

Wengi wa waandamanaji waliuawa katika mtaa wa Instytutska karibu na kambi kuu ya maandamano katika eneo la Independence Square - linalojulikana kama Maidan.

Bwana Avakov alitoa maelezo ya kina kuhusu tukio moja ambalo amelielezea kuwa tume ya uchunguzi imebaini kuwa wanane kati ya waliouawa walipigwa na risasi kutoka bunduki ya aina moja.

Waziri huyo pia alionyesha picha zikionyesha mahali polisi wa kulenga shabaha walipokuwa wamesimama na kufyatua risasi. Amesema idadi ya polisi waliofyatua risasi hizo wametambulika.

Wakati huo huo mkuu wa Idara ya Usalama ya Ukraine Valentyn Nalyvaychenko amesema askari wa Idara ya Usalama ya Urusi(FSB) walihusika katika kupanga operesheni hiyo dhidi ya waandamanaji.

Amesema FSB walipeleka "tani" za vilipuzi kwa njia ya ndege kwenda Ukraine.BBC