SOMA HABARI KWA UFUPI

Mwenyekiti wa tume yamabadiliko ya katiba,Jaji Joseph Warioba leo anakabiliwa na kibarua kigumu  pale atakapowasilisha Rasimu ya katiba mbele ya bunge maalumu la katiba ambalo wajumbe wake wamegawanyika kimsimamo.

Kwa hatua hiyo Jaji Warioba atakuwa anahitimisha safari ya miezi 20 ya tume ya mabadiliko ya katiba iliyokusanya maoni ya wananchi,kuyachakata na kutoa Rasimu hiyo itakayojadiliwa na Bunge hilo.

    

                                     ***********************

Umoja wa mataifa na Muungano wa Ulaya zimeelezea wasiwasi kuhusu mvutano wa kisiasa unaozidi kutokota kati ya serikali na vyama vya upinzani nchini Burundi.

Katibu mkuu wa Umoja wa Mataifa, Ban Ki Moon, amelaani hali ya kisiasa nchini humo,akisema kuwa serikali inakandamiza uhuru wa kisiasa, uhuru wa kuongea na watu kukutana.

                                     ************************

Wizara ya usafiri ya Malaysia inasema kuwa imeomba ushirikiano wa nchi zote kwenye njia mbili ambapo ndege iliyopotea juma lilopita huenda kuwa imepita.

Imeomba msaada wa data kutoka Satelite na Radar na msaada katika shughuli za msako.
Uchunguzi pia unafanywa kuhusu marubani wawili wa ndege hiyo na nyumba zao zimepekuliwa