SOMA HABARI KWA UFUPI.

 Rais Jakaya Kikwete amesema Serikali imenuia kumaliza kabisa Ujangili nchini,ikiwa ni hatua ya kunusuru wanyama walio hatarini kutoweka katika hifadhi za taifa.

                   *******************************

Mtu mmoja amefariki dunia jana na wengine 18 kujeruhiwa vibaya na zaidi ya watu 80 kunusurika kufa baada ya basi la kampuni ya Hood likitokea Arusha kuelekea Mbeya kupasuka tairi ya mbele na kupinduka.

                   ********************************

Mkuu wa jeshi la anga la Malaysia, amekanusha madai kuwa ndege ya Malaysia iliyotoweka, ilionekana mara ya mwisho Magharibi ya rasi ya nchi hiyo, eneo ambalo ni mbali zaidi na njia iliyostahili kupita.

Generali Rodzali Daud, amesema kuwa hawawezi kupuuza uwezekano huo, lakini amesema madai kuwa mawasiliano ya ndege hiyo yalinaswa na mtambo wa radar katika eneo hilo sio kweli.

                     

                   *********************************

Maafisa wawili wa Polisi Nchini Afrika Kusini wametiwa mbaroni baada ya picha za video kuonyeshwa kwenye mtandao wakimvua nguo na kisha kumchapa vibaya mtu mmoja kutoka Nigeria.

                      

                  **************NA****************                         

Mwanafunzi mmoja ameuwawa katika maandamano yaliyofanyika katika mji mkuu wa Sudan, Khartoum.

Maafa hayo yalitokea pale wanafunzi wa Chuo kikuu cha Khartoum walipofanya maandamano.

Kundi la kutetea haki za binadamu Amnesty International, limesema mwanafunzi huo alifariki kutokana na majeraha ya risasi baada ya makundi ya kiusalama kuwatawanya wanafunzi hao kwa kuwashambulia kwa risasi, na vitoa machozi.

Ni ghasia za kupinga machafuko yanayozidi huko Darful.