SOMA HABARI KWA UFUPI

Zaidi ya wanafunzi 71 wa shule ya msingi na sekondari mkoa wa tabora wamepata mimba  kipindi cha miezi 11 iliyopita.Mkuu wa mkoa Fatuma Mwassa alisema wakati wa maadhimisho ya siku ya wanawake Duniani,kuwa wanafunzi hao walipata ujauzito kuanzia april mwaka jana hadi sasa.

Alieleza kuwa wanafunzi 21 wa shule ya msingi walipewa ujauzito,huku wanafunzi 50  wa sekondari wakipewa ujauzito na kufanya jumla ya wanafunzi 71.

                            **********************

Maafisa wa serikali nchini Yemen wamesema kuwa zaidi ya wahamiaji arubaini wa Kiafrika wamezama baharini, baada ya mashua walimokuwa wakisafiria kuzama, katika pwani ya kusini mwa nchi hiyo.

Manuwari ya jeshi la Yemen ambalo lilikuwa katika eneo hilo, imefanikiwa kuwaokoa wahamiaji wengine wapatao thelathini.

                           ********************

Wakati juhudi za kuisaka ndege iliyopotea ilipokuwa ikisafiri kutoka Malasyia kuelekea Uchina zikiendelea, ndege moja ya Vietnam imeripoti kuwa imeona kitu kinachofanana na mlango wa ndege kwenye ufuo wa bahari ya Kusini mwa Uchina kwenye mwambao wa taifa hilo.

                          ********************               

Rais wa Marekani Barrack Obama, amemualika waziri mkuu wa Ukraine, Arseniy Yatsenyuk, mjini Washington kwa mashauriano kuhusiana na mzozo unaokumba taifa lake.