JE WAJUA PANYA NI MMOJA KATI YA VIUMBE WENYE AKILI

Kuna aina nyingi za panya. Kuna wanaoishi katika mazingira ya binadamu na wengine huishi porini. Wote hawa wamewekwa kwenye  kundi linalojulikana kitaalamu kama  ‘Genus Rattus’. Hata ivyo kwenye kundi hili, kuna tofauti kutegemeana na mazingira wanamoishi. Lakini pia maumbile yao yanawafanya watofautiane.

Kuna panya  warefu zaidi ya wengine, wapo  baadhi  wana mikia mifupi. Kadhalika wanatofautiana kwa rangi. Wapo wa kijivu, brown na weusi ambao ndiyo maarufu sana kwa vile wengi huishi katika mazingira ya binadamu.

Dondoo za  maisha ya panya

-Ni viumbe wanaoishi kwa ushirikiano, wanapenda kulala sehemu moja na kufanya mambo kwa pamoja. lakini mara nyingi panya wenye umbo kubwa ndiye huheshimika kutokana na nguvu alizonazo.Ndiye yeye anayeweza kupata chakula kingi.

                                                    Panya wakiwa wamelala pamoja

          

-Panya hujali na kumsaidia mwenzao aliyeumia kwasababu zozote ,na hii ni kutokana  na maisha yao ya kidungu.Panya ambaye hana marafiki hujiona mwenye shida kubwa na mara nyingi hujificha peke yake.

-Panya ni kiumbe mwenye akili sana na ndiyo maana binadamu mara kadhaa amekua akimtumia kwenye shughuli mbali mbali, iwe kijeshi au kijamii. Ni viumbe wepesi kupokea mafunzo na kuelewa.ona hapa chini mfano wa panya aliyepewa mafunzo ya kupiga tarumbeta.

 

-Aidha,Panya anatajwa kama kiumbe mwenye kumbukumbu kubwa.panya hawezi kusahau njia aliyopita kwa mara ya kwanza,ana uwezo wa kumbukumbu kila kitu kwa kufuata njia bila kupotea hata kama ni kwenye msitu.

-Panya wana tabia ya usumbufu,lakini wao hawapendi usumbufu na mara nyingi hawapendi kukabiliana na hatari na badala yake huenda popote kujificha.

-Panya wanaweza kuishi mpaka miezi 18 ingawa wengi wao hufa mapema kabla ya kufikisha miezi 12.

-Utafiti unabainisha kuwa panya ni viumbe wasafi hasa wale wanaoishi mazingira ya watu.Hutumia muda mwingi mchana kuandaa sehemu za kulala usiku.Mara nyingi hupenda kutembea usiku kutafuta chakula kwenye makazi ya watu.